Orasaun ruma

Tamba sinal santa Krus Na’i Maromak hasai ami hosi buat aat hotu. Hodi Padre, hodi Filho, hodi Espiritu Santu nia naran. Amen.

Graças e louvores se deem a todo momento ao Santíssimo e Diviníssimo Sacramento. 

Na’i, ha’u nia Maromak, ha’u fiar, ha’u adora, ha’u hein, ha’u hadomi Ita Boot. Ha’u husu perdua ba ema sira nebe la fiar, la adora, la hein, la hadomi Ita Boot.

Angelus

Nai Maromak nia Anju hodi Na’i Maromak nia lian ba Maria

Nia kous dadaun tamba Espiritu Santu nia grasa (Ave Maria)

Hau nee Nai Maromak nia atan deit

atu halo tuir duni ita boot nia lia (Ave Maria)

Maromak Filho halo an ba mane

Nia mai moris duni hamutuk ho ita (Ave Maria)

Maromak nia Inan Santa, harohan mai ami ata

ami atu bele hetan Jesus Kristu nia rahun diak

Orasaun: Nai Maromak, ami ata husu ba ita boot atu haraik ita boot nia grasa mai ami nia klamar. tuir anjo nia lian ami hatene lolos katak ita boot nia Oan halo an ba Mane. tan nia terus too mate iha krus, ami harohan ba ita boot, halo ami ata moris fali atu ba iha lalehan. Ami husu nee tamba ami nia Nai Jesus Kristu. Amen

ORASAUN DADER NIAN

Ha’u nia Maromak, ha’u adora Ita boot, ha’u hadomi Ita Boot, ho ha’u nia laran tomak. Ha’u agradese Ita Boot tanba Ita Boot mak halo ha’u moris, halo ha’u sarani, halo ha’u deskansa iha kalan ida ne’e. Buat hot-hotu ha’u halo iha loron ne’e ha’u hasa’e ba Ita13

Boot, Na’i Maromak halo ha’u moris ohin ne’e hodi tuir deit Ita Boot nia hakarak, hodi buka deit Ita Boot nia gloria. Dada ha’u sai hosi sala no hosi buat aat hotu. Haraik Ita Boot nia grasa ho Ita Boot nia bensa mai ha’u, ba ha’u nia parente sira no ba ema hot-hotu. Amen.

AKTU DE FE ESPERANSA NO KARIDADE

Ha’u nia Maromak, ha’u fiar no hein metin Ita Boot, ha’u hadomi Ita Boot liu sasan hot-hotu no hadomi maun alin sira nudar ha’u an rasik tanba Ita Boot.

AKTU DE KONTRISAUN

Ha’u nia Maromak, ha’u hanoin ho laran moras sala hot-hotu ha’u halo ona kontra Ita Boot diak liu, nebe halo diak deit mai ha’u. Ha’u hasa’e lialos ba Ita Boot, hodi Ita Boot nia grasa, lakohi sala tan. Ha’u husu barak Ita Boot perdua ha’u, tanba Ita Boot laran diak ho tanba ha’u nia Na’i Jesus Kristu terus to’o mate tanba ha’u.

ORASAUN BA ANJU HEIN ITA

Na’i Maromak nia Anju Santu, hein didiak ha’u. Ukun ha’u nafatin, halo ha’u tuir diak deit tanba Na’i Maromak rasik mak entrega ha’u iha ita boot nia liman. Amen.    

ORASAUN BA SANTU PADRE

Ita harohan ba ita nia Amo Papa, Santu Padre Fransisco I

Na’i haraik isin diak ba nia, hametin no tahan nia. 14

Orasaun: Maromak sarani hotu nia Bibi atan no mata dalan; hateke ho laran diak ba ita atan, Amo Papa Fransisco I, nebe Ita Boot mak fihir nudar Ita Kreda nia Bibi atan. Haraik atu povu nebe nia ukun simu didiak nia liafuan no esemplu sira, atu nune’e, nia bele to’o moris rohan laek hamutuk ho bibi luhan tomak nebe Ita Boot hameno ba nia. Ami harohan ne’e hodi ami Na’i Jesus Kristu hamutuk ho Espiritu Santu. Amen.

ORASAUN ATU HUSU VOKASAUN

Jesus futar Fuan iha Eukaristia, Nailulik boot rohan laek: tanba Ita Boot nia domin laran luak, ami husu atu tulun familia sai santu; nune’e, hanesan viveiro diak ida, bele naburas vokasaun barak ba Ita nia Kreda. Haraik mos nailulik barak mai ami, nailulik sira nakonu ho Ita Boot nia Espiritu, manas ho Ita Boot nia Karidade atu buka deit Ita Boot nia reinu iha rai ne’e no Ita Boot nia gloria iha Lalehan.

Oh Jesus, Maksoin mundu nian.

Haraik santidade ba ita nia nailulik sira.

Oh Maria, Klero nia Liurai Feto. Haraik nailulik barak no santu ba Ita nia Kreda.

SALVE LIURAI FETO

Salve Liurai Feto, Inan hanoin ami, ami nia rahun diak, ami nia esperansa, salve. Ami ata Eva nia oan des-terradu, hasa’e ami nia lia ba Ita Boot; hodi tanis ami husu deit Ita Boot tulun ami ata iha tanis fatin ne’e. Ne’e duni, ami nia Advogada, fila mai ami ata Ita Boot nia matan diak. Desterro ne’e hotu, hatudu mai15 ami ata Ita Boot nia Oan benditu Jesus. Ou clemente, ou piedosa, ou doce Virjem nafatin Maria!

Maromak nia Inan Santa, harohan mai ami ata.

Ami atu bele hetan Jesus Kristu nia rahun diak. Amen.

ORASAUN BA KLAMAR SIRA IHA PURGATORIU

Na’i Maromak, fo sira hetan rahun diak nafatin.

       Halo Ita Boot nia naroman leno sira nafatin.

Halo sira descansa ho paz.

       Amen.

ORASAUN KALAN NIAN

Ha’u nia Maromak, ha’u ata adora Ita Boot ho ha’u nia laran tomak. Ha’u agradese Ita Boot tanba Ita Boot halo ha’u, halo mos ha’u sai sarani, halo ha’u moris loron ida ne’e tan. Perdua sala hot-hotu ha’u ata halo ohin ne’e; ha’u halo diak ruma karik, ha’u hasa’e ba Ita Boot, hodi husu deit Ita Boot nia grasa. Ha’u ata ba toba, Ita Boot hare didiak ha’u. Keta husik ha’u monu ba tentasaun ruma. Na’i Maromak, haraik Ita Boot nia tulun no Ita Boot nia bensa mai ha’u, ba ha’u nia parente sira no ba ema hot-hotu. Amen.

Maromak hit aan mai tulun ami.

Nain mai lalais sadia ami no salva ami.

GLORIA…

AMI AMAN iha lalehan tulun ema atu hahi ita naran, halo ita nia reinu to’o mai ami, haraik tulun ba ema atu halo tuir ita nia hakarak iha rai nudar iha lalehan.

OHIN NE’E, haraik aihan loron-loron nia mai ami haraik perdua mai ami sala nudar ami fo perdua ba ema halo aat mai ami, labele husik ami monu ba tentasaun maibe hasai ami husi buat aat hotu. AMEN

AVE MARIA. grasa barak liu iha ita boot, Maromak ho ita boot, ita boot diak liu feto hotu-hotu ita boot nia Oan Jesus diak liu.

SANTA MARIA Maromak Nia inan harohan ba Nain Maromk tamba ami ata nia sala oras ne no oras ne’ebe ami ata besik atu mate, AMEN.

ITA NAIN FETO NIA ROSARIO

MISTERIO GOZOSOS (Sei Reza iha segunda feira no Sabado)

Misterio . I.

Anjo Gabriel ba fo hatene Maria santissima katak nia atu sai Maromak Nia inan

Oh Maria , Inan sala laek.

Haraik tulun mai ami nebe husu Ita Boot nia tulun.

Oh Jesus doben haraik perdua ba ami salan.

Keta husik ami monu ba ahi infernu nian; lori klamar sira ba lalehan, liu-liu sira nebe ema haluha atu harohan ba

·         Nossa senhora do rosario

·         Maria rainha da paz,

·         Sagrado corasaun de jesus

·         Sagrada corasaun de maria

·         Sao jose sagrada familia

·         Maria auxiliadora

Misterio. II.

Maria santissima ba Visita nia feto maluk santa Isabel.

Misterio. III

Ita nain Jesus cristo moris iha bibiluhan ida, iha rai Belem

Misterio IV

Nain Feto Ba apresenta ita Nain Jesus iha uma kreda boot Jerusalem.

Misterio V

Nain Jesus lakon hori loron tolu ona, ita Nain Feto hetan fali Nia iha Jerusalem.

MISTERIO DOLOROSOS (Reza iha Terça feira no Sexta feira)
Misterio  I
Jesus neon sala halo orasaun iha to’os Oliveria nian.
Misterio II
Ema Judeu sira futu ita Nai Jesus Kristu, baku nia isin, halo mesak kanek
Misterio III
Ema tau aitarak ba Nain Jesus nia futar ulun.
Misterio IV
Jesus lori nia krus, hodi ba to’o iha foho Kalvario
Misterio V
Ita Nain Jesus hedi netik iha Krus, terus to’o mate tamba ita.

MISTERIO GLORIOSOS (Reza iha Quarta feira no Domingo)
Misterio  I
Jesus mate tia liu loron tolu Nia moris hias.
Misterio II
Nain Jesus sae rasik ba lalehan.
Misterio III
Espiritu santo tun husi lalehan mai tan Maria Santissima no Apostolo Sira.
Misterio IV
Nain Maromak hasae ita Nain Feto ba lalehan.
Misterio V
Nain Maromak haraik Gloria boot ba Maria Santissima iha lalehan.

MISTERIO LUMINOSOS (Reza iha Quinta Feira)
Misterio  I
Joao Baptista sarani Nain Jesus iha mota Jordaun.
Misterio II
Nain Jesus tuir festa kaben iha Kanan Galileia hodi halo milagre ba dala uluk.
Misterio III
Jesus haklaken Maromak ba nia Reinu.
Misterio IV
Nain Jesus Nakfilak aan Iha Foho Tabor
Misterio V
Nain Jesus han ba dala ikus ho Apstolu sira hodi harii Eukaristia.